အွမ်ရဟ် ဆောက်တည်နည်း

အွမ်ရဟ်ဆောက်တည်နည်း

အွမ်ရဟ်ပြုခြင်း၏ အကျိုးကျေးဇူးများ
နှစ်ဘ၀သခင် ကျေးဇူးတော်ရှင် နဗီတမန်တော်မြတ် (SwallahuAlihisalam) က မိန့်တော်မူထား သည်မှာ ဟဂ်ျနှင့်အွမ်ရဟ် ပြုလုပ်ရန်လာသောသူများသည် အလ္လာဟ်အရှင်မြတ်၏ ဧည့်သည်တော်များ ဖြစ်ကြပါသည်။ အကယ်၍ထို ပုဂ္ဂိုလ်များသည် အလ္လာဟ်အရှင်မြတ်ထံတော်ပါး၌ ဒိုအာပြုပါက အလ္လာဟ်အရှင်မြတ်သည် မုချလက်ခံ တော်မူမည်။ ၄င်းနောက် ထိုပုဂ္ဂိုလ်များသည် လွတ်ငြိမ်းချမ်းသာခွင့်တောင်းခံပါက အလ္လာဟ်အရှင်မြတ်သည် လွတ်ငြိမ်းချမ်းသာခွင့် ပေးတော်မူမည်ဖြစ်သည်။
တမန်တော်မြတ်(SwallahuAlihisalam)မိန့်ကြားတော်မူခဲ့သည်။ အကြင်သူတစ်ဦးတစ်ယောက်သည် ပထမအွမ်ရာဟ်ပြု လုပ်ပြီးနောက်ထပ်မံ အွမ်ရဟ်ပြုခဲ့ပါက အလ္လာဟ်အရှင်မြတ်သည် ထိုအွမ်ရဟ်နှစ်ခု၏ကြား၌ရှိသော အပြစ်များကို လွတ်ငြိမ်းချမ်းသာခွင့်ပေးမည်ဖြစ်သည်။ ၄င်းနောက် “ဟဂ်ျဂျေမဗ်ရူးရ်” သီးသန့်စိတ်စေတနာ ဖြူစင်စွာဖြင့် ပြုလုပ်ခဲ့ သောဟဂ်ျ၏အစား ဂျန္နသ်ပင်ဖြစ်သည်။

ရမ်ဇာန်လမြတ်၌ အွမ်ရာဟ်ပြုလုပ်ခြင်း
တစ်ရံရေအခါ ဟဇ်ရသ် အွမ်မေ့စလ်မဟ် (Radweallah2)သခင်မသည် နဗီကိုယ်တော်မြတ်(SwallahuAlihisalam) ထံတော်ပါး၌ အခစားဝင်ရောက်၍ လျှောက်ထားခဲ့သည်မှာ အို. . . ကိုယ်တော်၊ ကျွန်မ၏ခင်ပွန်းနှင့် သားများသည် ဟဂ်ျပြုလုပ်ရန် ထွက်ခွာသွားကြပြီး ကျွန်မအားထားရစ်ခဲ့ပါသည်။ ထိုအခါ နဗီတမန်တော်မြတ်(SwallahuAlihisalam) မိန့်တော်မူခဲ့သည်မှာ အသင်မ သည် ရမ်ဇာန်လမြတ်၌ အွမ်ရဟ်ပြုလေကုန်။ ရမ်ဇာန် လမြတ်၌ အွမ်ရဟ်ပြုခြင်းသည် ငါကိုယ်တော်မြတ်(SwallahuAlihisalam)နှင့် အတူ ဟဂ်ျပြုသကဲ့သို့ပင်ဖြစ်သည်။

အဲဟ်ရာမ်ဝတ်ဆင်ခြင်း၏ နည်းစနစ်နှင့် စည်းကမ်းချက်များ
အသင်သည် ဟဂ်ျနှင့် အွမ်ရဟ်၏ အဲဟ်ရာမ် မ၀တ်မီ အလျဉ် အောက်ဖော်ပြပါ အချက်အလက်များအားကျင့် ဆောင်ရမည်ဖြစ်သည်။
၁။ နှုတ်ခမ်းမွှေးများ၊ ခြေသည်း၊ လက်သည်းများအားညှက်၍ ဂျိုင်းအောက်မွှေးနှင့် ချက်အောက်မွှေးများအား သုတ်သင်ရှင်းလင်းရမည်။
၂။ အဲဟ်ရာမ်၏ နီယသ်ဖြင့် ဂုစွလ်ရေချိုးသန့်စင်ရမည်ဖြစ်သည်။ အကယ်၍ ရေချိုးသန့်စင်ခြင်း မပြုနိုင်ပါက အနည်းဆုံးဝူဇူပြုလုပ်ရမည်ဖြစ်သည်။ ထို့နောက်မိမိခြုံရမည့် အဲဟ်ရာမ်နှင့် ခန္ဓာကိုယ်အား အရောင်အနံ့ ဖြော့သော ရေမွှေးသုတ်လိမ်းခွင့်ရှိသည်။ သို့သော်အဲဟ်ရာမ်၌ အစွန်းမထင်ရပေ။
၃။ အမျိုးသားများသည် အဲဟ်ရာမ်ပိတ်ဖြူတစ်စအားချက်မှ ဒူးအထိ အရှက်လုံခြုံအောင် ၀တ်ဆင်၍ ကျန်တစ်စအား ခြုံထည်အဖြစ်ခြုံရမည်။ ၄င်းနောက် မိမိဦးခေါင်းနှင့် ပခုံးနှစ်ဘက်စလုံးအား အဲဟ်ရာမ်အပေါ်စဖြင့် ဖုံးအုပ်ထား ရမည်။ ၄င်းနောက် ခြေဖမိုးပေါ်သော ဖိနပ်အား ၀တ်ဆင်ရမည်ဖြစ်သည်။
၎။ ထို့နောက် မကရူးဟ်အချိန်မဟုတ်ပါက အဲဟ်ရာမ်၏ နိယသ်ဖြင့် နဖိလ်နမားဇ်နှစ်ရကအသ် ၀တ်ပြုရပေ မည်။ ယင်းသို့ဝတ်ပြုရာတွင် ပထမရကအသ်၌ စူရဟ်ကာဖိရူးန်ကိုလည်းကောင်း၊ ဒုတိယရကအသ်၌ စူရဟ် အိခ်လားဆ်ွကိုလည်းကောင်း၊ တွဲဖက်ခြင်းသည် ပို၍ကောင်းသည်။ အကယ်၍ မကရူးဟ်အချိန် ဖြစ်နေပါက နဖိလ်မဖတ်ဘဲ မကရူးဟ်၏ နီယသ်ပြုရမည်ဖြစ်သည်။
အွမ်ရာဟ်၏ ရည်စူးချက်
အထက်ပါအတိုင်း ဆွလာသ်ဝတ်ပြုပြီးသွားသောအခါ ဦးခေါင်းပေါ်ရှိ အဲဟ်ရာမ်၊ ဦးထုပ်စသည်တို့ကို ဖယ်ရှားပြီး ကိဗ်လာဟ်ဘက်သို့မျက်နှာမူ၍ ထိုင်လျက်ပင် အွမ်ရဟ်၏ နီယသ်ကို အောက်ပါအတိုင်းပြုရမည်။
c2_Arabic1

အဓိပ္ပါယ်
အို… အလ္လာဟ်အရှင်မြတ်၊ ကျွန်တော်မျိုးသည် အရှင်မြတ်၏ ကျေနပ်မှုအားရယူရန် အွမ်ရဟ်ပြုရန် ရည်စူးပါ ၏ကျွန်တော်မျိုးအတွက် အွမ်ရဟ်ပြုရန် ရည်စူးပါ၏။ ကျွန်တော်မျိုးအတွက် အမ္မရာဟ်ပြုခြင်းကို လွယ်ကူစေတော်မူပြီး ယင်းအား လက်ခံတော်မူပါ။
(၁) အဲဟ်ရာမ်ဝတ်ဆင်ခြင်း
တစ်ဆက်တည်းမှာပင် အွမ်ရာဟ်အတွက် အဲဟ်ရာမ်ဝတ်ဆင်ခြင်း၏ရည်စူးချက်ကို စိတ်အတွင်း၌ ပြုရပေ မည်။ ထိုသို့ရည်စူးပြီးနောက် သလ်ဗီယဟ် ခေါ်
c2_Arabic2
ကို အဆုံးတိုင် အလယ်အလတ်အသံဖြင့် ရွတ်ဆိုရန်လိုအပ်ပေသည်။
မှတ်ချက်။ ။သလ်ဗီယဟ်အသံထွက်၍ ရွတ်ဆိုခြင်းမှာ ၀ါဂျိဗ်ဖြစ်သည်။ သုံးကြိမ်ရွတ်ဆိုခြင်းသည် စွန္နသ်ဖြစ်သည်။ ဆက်ခါဆက်ခါ ရွတ်ဆိုခြင်းသည် မုစ်သဟဗ်ဖြစ်သည်။ သလ်ဗီယဟ်အားစိတ်မှ ရွတ်ဆိုခြင်း မပိုင်ပေ။ အမျိုးသမီး များသည် သလ်ဗီယဟ်အား ကျယ်လောင်စွာ မဆိုရပေ။
သလ်ဗီယဟ်ရွတ်ဆိုပြီးနောက် နဗီတမန်တော်မြတ်(SwallahuAlihisalam)ထံသို့ ဒရူးဒ်မေတ္တာပို့ရမည်။ ထို့နောက် အောက်ပါ ဒိုအာတောင်းဆိုရမည်။
c2_Arabic3

အို. . . အလ္လာဟ်အရှင်မြတ်၊ ကျွန်တော်မျိုးသည် အရှင်မြတ်ထံတော်ပါးမှ အရှင်မြတ်၏ ကျေနပ်နှစ်သက်မှုနှင့် ဂျန္နသ်အားတောင်းခံပါ၏။ ၄င်းနောက် ကျွန်တော်မျိုးသည် အရှင်မြတ် ဒေါသစူးရှခြင်းနှင့် ဂျဟန္နမ်မှ လွတ်ငြိမ်းခွင့် တောင်းခံပါ၏။
အမျိုးသမီးများ၏ အွမ်ရဟ်ရည်စူးချက်များသည် ဤအတိုင်းပင်ဖြစ်သည်။ သို့သော် နီယာသ်မပြုမီအလျင် ကိဗ်လဟ်ဘက်သို့ မျက်နှာမူ၍ မိမိမျက်နှာပေါ်ရှိသည့် ပုဝါအား ဖယ်ရှားပြီးမှ သာလျှင် နီယသ်ပြုရမည်ဖြစ်သည်။

အဲဟ်ရာမ်ဝတ်ရုံခြုံပြီးနောက် ရှောင်ကြည်ရမည့် အချက်အလက်များ
အဲဟ်ရာမ်၏ နိယသ်ပြုပြီးနောက်အောက်ဖော်ပြပါ ကိစ္စရပ်များသည် အစ္စလာမ့်တရားတော် ၌ တားမြစ်ထားသည်။ အကယ်၍ လုပ်ဆောင်မိပါက အပစ်ထိုက်မည်ဖြစ်သည့်အပြင် ထိုက်သင့်သော ဆွဒ်ကဟ်ပေးရန် ၀ါဂျိဗ်ထိုက်သည်။ တစ်ခါတစ်ရံ(ဒမ်)၀ါဂျိဗ်ထိုက်ပြီး တစ်ခါတစ်ရံ ဆွဒ်ကဟ်ပေးရန် ၀ါဂျိဗ်ထိုက်သည်။ ၄င်းနောက် အချို့သော ကိစ္စရပါများသည် အပြစ်ထိုက်ပြီး(ဒမ်)ပေးရန် ၀ါဂျိဗ်တာဝန်မရှိပေ။ အကယ်၍ ထိုကဲ့သို့ မှားယွင်းမှုများ ဖြစ်သွားပါက စစ်မှန်သော အာလင်မ်များအား မေးမြန်၍ ပြုပြင်ရန် ကြိုးစားရပေမည်။ ထို့ကြောင့် အဲဟ်ရာမ်ခြုံပြီး နောက် တားမြစ်ထားသည့် အရာများမှ ရှောင်ကြဉ်ရန် အရေးကြီးပေသည်။
၁။ အဲဟ်ရာမ်ခြုံထားစဉ် အမျိုးသားများအတွက် ချုပ်ရိုးပါသော အ၀တ်ဝတ်ခြင်းမပိုင်၊ ၄င်းနောက် ခြေဖမိုးအုပ်သောဖိနပ်ဝတ်ခြင်းမပိုင်၊ အဲဟ်ရာမ်ခြုံထားစဉ် အမျိုးသားများသည် မိမိ၏ မျက်နှာနှင့် ဦးခေါင်းအားဖော်ထားရမည်။ အမျိုးသမီးများသည် မိမိ၏မျက်နှာတစ်ခုတည်းသာ ဖော်ထားရမည်။ သို့သော် အမျိုးသမီးများသည် သူစိမ်း အမျိုးသားများ၏ ရှေ့၌မိမိမျက်နှာအား ဖော်ခြင်းမပိုင်ပေ။ နိကားဗ်ဖြင့် ဖုံးထားရာ၌ မျက်နှာအား အ၀တ်ဖြင့် မထိရ။
၂။ မွှေးရနံ့ပါသော စူရ်မာလိမ်းခြင်း မပိုင်။ သို့သော် မွှေးရနံ့မပါသော စူရ်မာလိမ်းခြင်းပိုင်၏။ မလိမ်းခြင်းက သာပို၍ မွန်မြတ်ပေသည်။ အမွှေးအကြိုင်ပါသော ဆပ်ပြာအား အသုံးပြုခြင်း မပိုင်ပေ။ ၄င်းနောက် မိမိ၏ ဦးခေါင်းနှင့် ခန္ဓာကိုယ်ပေါ်၌ မွှေးရနံ့ပါသော ဆီများသုတ်လိမ်းခြင်းမပိုင်။ ၄င်းနောက် လက်သည်း၊ ခြေသည်းများအား လှီးဖြတ်ခြင်းမပိုင်။ မိမိဦးခေါင်းနှင့် ခန္ဓာကိုယ်၊ အဲဟ်ရာမ်ပေါ်ရှိ သန်းများသတ်ဖြတ်ခြင်းမပိုင်။ အ၀တ်၌ရှိသော သန်းအားသေစေရန် နေပူလှန်းခြင်းမပိုင်။
၃။ မိမိ၏ ဇနီးနှင့် ပေါင်းသင်းခြင်း (သို့မဟုတ်) ပေါင်းသင်းရန်အတွက်ဆွဲဆောင်သော စကားများပြောဆိုခြင်း။ ၄င်းနောက်မိမိဇနီးသည်အား ရာဂစိတ်ဖြင့် ကိုင်တွယ်နမ်းရှုပ်ခြင်း မပိုင်။
၎။ အဲဟ်ရာမ်ခြုံထားချိန်၌ အပြစ်များမှ ရှောင်ကြဉ်ရန် အလွန်အရေးကြီးပေသည်။ အဲဟ်ရာမ်ဝတ်ရုံခြုံထားစဉ် အတင်းပြောခြင်း၊ အကျိုးမဲ့သော အလုပ်များအားလုပ်ဆောင်ခြင်း၊ မနာလိုဝန်တိုမှုဖြစ်ခြင်း၊ နောက်ပြောင် ခြင်း၊ တစ်ဦးတယောက်အား ဂုဏ်သိက္ခာကျစေရန် ရည်ရွယ်ခြင်း၊ အထူးသဖြင့် အမျိုးသမီးများ ပရ်ဒဟ်မဲ့စွာနေထိုင် ခြင်းတို့သည် အလွန့်အလွန် ကြီးလေးသော အပြစ်များဖြစ်သည်။

မက္ကရူးဟ်ဖြစ်စေသောအချက်များ
အဲဟ်ရာမ်ဝတ်ရုံခြုံပြီးနောက် အောက်ဖော်ပြပါ အချက်များသည် မက္ကရူးဟ်ဖြစ်သည်။ ထိုလုပ်ရပ်များမှရှောင် ကြဉ်ရန် အရေးကြီးပေသည်။ အကယ်၍ မေ့လျော့ပြီး လုပ်ဆောင်မိပါက သောင်ဝ်ဗဟ်ပြုခြင်းဖြင့် လုံလောက်ပေသည်။ မည်သည့်ဆွဒ်ကဟ် အစားပေးရန် မလိုအပ်ပေ။
၁။ အဲဟ်ရာမ်ဝတ်ရုံခြုံထားချိန်၌ ဖာလာစေ့နှင့် မွှေးရနံ့ပါသော အရာများထည့်၍ ကွမ်းစားခြင်းသည် မက္ကရူးဟ် ဖြစ်၏။ သို့သော် ရိုးရိုးကွမ်းစားခြင်းပိုင်သည်။ ထိုထဲတွင် မူးယစ်စေသော အရာများ အပါရပေ။ ဟာရာမ် ဖြစ်သည်။
၂။ အဲဟ်ရာမ်ဝတ်ရုံခြုံထားချိန်၌ မိမိခန္ဓာကိုယ်ပေါ်မှ အညစ်အကြေးများ တိုက်ချွတ်ခြင်း၊ ၄င်းနောက် မိမိခန္ဓာကိုယ် အားမွှေးရနံ့ပါသောဆပ်ပြာဖြင့် ဆေးကြောခြင်းသည် မက္ကရူးဟ် ဖြစ်ပေသည်။
၃။ အဲဟ်ရာမ်ဝတ်ရုံခြုံထားချိန်၌ ဆံပင်မွှေးနှင့် မုတ်ဆိတ်မွှေးတို့အားဖီးသင်ခြင်းသည် မက္ကရူးဟ်ဖြစ်ပေသည်။
၎။ အဲဟ်ရာမ်ဝတ်ရုံခြုံထားချိန်၌ မိမိဦးခေါင်းအား ကုတ်ခြင်းဖြင့် အမွှးအမှင်များကျွတ်မည်ကို စိုးရိမ်ပါက ဦးခေါင်းကုတ်ခြင်းသည် မက္ကရူးဟ်ဖြစ်သည်။ အကယ်၍ ဦးခေါင်းအား ဖြေးညှင်းစွာကုတ်ခြင်း၊ သန်းနှင့်အမွေး အမှင်များ မကျနိုင်ပါက ကုတ်ခြင်းပိုင်သည်။
၅။ အဲဟ်ရာမ်ခြုံထားသော အမျိုးသား/အမျိုးသမီးများသည် မိမိဝတ်ထားသော အဲဟ်ရာမ် အ၀တ်အစားအား အခြားအဲဟ်ရာမ်ဖြင့် လဲဝတ်ခွင့်ရှိပါသည်။ သို့သော် မိမိလဲမည့် အဲဟ်ရာမ်သည် အမွှးအကြိုင် သုတ်လိမ်းထား သော အဲဟ်ရာမ် မဖြစ်စေရ။
၆။ အဲဟ်ရာမ်ဝတ်ရုံခြုံထားချိန်၌ မွှေးရနံ့သင်းသော သစ်သီးဝလံများ၊ ၄င်းနောက် မွှေးရနံ့သင်းသော ပင်စည် များကို ရှူရိုက်ခြင်းသည် ရေမွှေးကို ရှူရှိုက်သကဲ့သို့ မက္ကရူးဟ်ဖြစ်သည်။ အကယ်၍ မရည်ရွယ်ဘဲ မိမိ၏နှာ ခေါင်းအတွင်း မွှေးရနံ့ရရှိပါက အကြောင်းမရှိ်ပေ။
၇။ မွှေးရနံ့သင်းသောပန်းအား ရှူရှိုက်ခြင်း၎င်းနောက် ပန်းဆွဲဝတ်ခြင်းသည် မက္ကရူးဟ် ဖြစ်သည်။
၈။ အဲဟ်ရာမ်ဝတ်ရုံခြုံထားချိန်၌ မွှေး၍ မချက်သေးသည့် အစားအစာများ မစားရပေ။ ချက်ပြီးပါက စားခွင့်ရှိသည်။
၉။ အဲဟ်ရာမ်ဝတ်ရုံခြုံထားချိန်၌ မိမိမျက်နှာအား ခေါင်းအုံးပေါ်၌ မှောက်လျက်မအိပ်ရပေ။ သို့သော် ဦးခေါင်းနှင့် ပါးအားတင်၍ အိပ်ခွင့်ရှိသည်။
၁၀။ အဲဟ်ရာမ်ဝတ်ရုံခြုံထားချိန်၌ မိမိ၏အ၀တ်အထည်(သို့)လက်ကိုင်ပ၀ါအား ပွတ်သပ်ခြင်းသည် မက္ကရူးဟ် ဖြစ်သည်။ ထို့ကြောင့် လက်ဖြင့်ပွတ်သပ်ခွင့်ရှိသည်။ ၄င်းနောက် ကအ်ဗဟ်ကျောင်းတော်အား သွဝါးဖ်ပြုလုပ်ချိန်၌ မိမိဦးခေါင်းနှင့် မျက်နှာအား ကအ်ဗဟ်၏ ဂိလားဖ်နှင့် ဖုံးအုပ်မိခြင်းသည် မက္ကရူးဟ် ဖြစ်၏။
၁၁။ အဲဟ်ရာမ်ဝတ်ရုံခြုံထားချိန်၌ ဦးခေါင်းနှင့်မျက်နှာမှအပ အခြားသော ခန္ဓာကိုယ် အစိတ်အပိုင်းများအပေါ် အကြောင်းမဲ့ ပတ်တီးစည်းခြင်း မက္ကရူးဟ်ဖြစ်သည်။ အကြောင်းတစ်စုံ တစ်ရာရှိပါက ပတ်တီးစည်းခွင့် ရှိသည်။ သို့သော် ဦးခေါင်းနှင့် မျက်နှာပေါ်၌ မည်သည့်အကြောင်းနှင့်မျှ ပတ်တီးစည်းခွင့်မရှိပါ။

အဲဟ်ရာမ်ဝတ်ရုံခြုံထားချိန် ပြုပိုင်ခွင့်ရှိသောအချက်များ
အဲဟ်ရာမ်ဝတ်ရုံခြုံထားချိန်၌ အောက်ဖော်ပြပါ လုပ်ရပ်များသည် ဒွိဟသံသယမရှိ ပိုင်ပေသည်။
၁။ အဲဟ်ရာမ်ဝတ်ရုံခြုံထားသောသူသည် ပင်ပန်းနွမ်းနယ်ချိန်၌ လန်းဆန်းသွားစေရန်ဆန္ဒဖြင့် (သို့မဟုတ်)မိမိခန္ဓာကိုယ်၌ လူးပေနေသောဖုံ၊ သလဲများအား ကင်းစင်ရန်အတွက် ရေချိုးခွင့်ရှိပေသည်။ ထိုကဲ့သို့ ရေချိုးရာ၌ ရေပူရေအေး နှစ်မျိုးစလုံးဖြင့် ချိုးနိုင်သည်။ သို့သော် မိမိမခန္ဓာကိုယ်ပေါ်၌ရှိ်သောအညစ်အကြေးအား တိုက်ချွတ်ခွင့်မရှိ။ ဥပမာ-ချေး။
၂။ အဲဟ်ရာမ်ဝတ်ရုံခြုံထားသောသူသည် လက်စွပ်ဝတ်ခြင်း၊ မျက်မှန်တက်ခြင်း၊ ထီးဆောင်းခြင်း၊ မှန်ကြည့်ခြင်း၊ မစ်ဝါးက် တိုက်ခြင်း၊ သွားနှုတ်ခြင်း၊ ပဲ့နေသည့် လက်သည်းအား ညှပ်ခြင်းတို့သည် ဒွိဟမရှိပိုင်သည်။
၃။ အဲဟ်ရာမ်ဝတ်ရဲုခြုံထားသောသူသည် လက်အိတ်ဝတ်လိုပါက ၀တ်ခွင့်ရှိပေသည်။ သို့သော် မ၀တ်ခြင်း၊ ပို၍သာမြတ်ပေသည်။ ၄င်းနောက် အမျိုးသမီးများအနေဖြင့် ရွှေဝတ်လိုပါက ၀တ်ခွင့်ရှိသည်။ မ၀တ်ခြင်းက ပို၍သာမြတ်သည်။
၎။ အဲဟ်ရာမ်ဝတ်ရုံခြုံထားသူသည် အမွှေးရနံ့မပါသော စူရ်မာအား သုတ်လိမ်းခွင့်ရှိသည်။ ၄င်းနောက် မိမိခန္ဓာကိုယ်၌ အနာတရဖြစ်နေပါက ပတ်တီးစည်းခွင့်ရှိပေသည်။ သို့သော် ထိုအနာ သည် ဦးခေါင်းနှင့် မျက်နှာပေါ်၌ ဖြစ်နေပါက ပတ်တီးစည်းခွင့်မရှိပေ။ ဆေးထည့်ခွင့်သာ ရှိပေ သည်။
၅။ အဲဟ်ရာမ်ခြုံထားသူသည် အိပ်လိုပါက မိမိဦးခေါင်းနှင့် ပါးပြင်အား ခေါင်းအုံးပေါ်တင်၍ အိပ်ခွင့်ရှိပေသည်။
၆။ အဲဟ်ရာမ်ဝတ်ရုံခြုံထားသူသည် မိမိအား ဒုက္ခပေးမည့် တိရစ္ဆာန်များအား သတ်ပိုင်ခွင့်ရှိ သည်။ ဥပမာ- မြွေ၊ ကင်း၊ ယင်ကောင်၊ ခြင်၊ ဖြုတ်၊ ကြမ်းပိုး အစရှိသည့် တိရစ္ဆာန်တို့အား ဟရမ်၌ ဖြစ်စေ သတ်ခွင့်ရှိသည်။
၇။ အဲဟ်ရာမ်ဝတ်ရုံခြုံထားသူသည် မွှေးရနံ့မပါသောဆိုဒါပုလင်းများ၊ အအေးများ၊ ရေပုလင်း များ၊ သောက်သုံးပိုင်ခွင့်ရှိသည်။ အကယ်၍ ထိုပုလင်းများ၌ မွှေးရနံ့အနည်းငယ်မျှ ရောထားမည် ဆိုပါက သောက်သုံးပိုင်ခွင့်မရှိပေ။ သောက်သုံးပါက ဆွဒ်ကဟ် ၀ါဂျိဗ်ထိုက်သူဖြစ်သည်။
၈။ အဲဟ်ရာမ်ဝတ်ရုံခြုံထားသူသည် မိမိအဲဟ်ရာမ်၏ ခါးပတ်၌ ပိုက်ဆံ၊ နာရီစသည့် အသုံး အဆောင်ပစ္စည်းများအား ထည့်ရန်အတွက် အိတ်လုပ်ခွင့်ရှိသည်။
၉။ အဖု၊ အနာပေါ်တွင် အမွှေးရနံ့မရှိသောဆီ၊ ဆေးလိမ်းကျံခြင်းပိုင်သည်။
၁၀။ မွှေးရနံ့မရှိသော အချိုရည်ပုလင်း၊ ရေပုလင်းမှရေကို သောက်သုံးပိုင်ခွင့်ရှိသည်။ သို့သော် ၄င်းပုလင်းများတွင် အနည်းငယ်မျှ မွှေးရနံ့ကျန်ရှိနေပါက ၄င်းပုလင်းမှရေကို သောက်သုံးပိုင်ခွင့်မရှိပေ။ သုို့မဟုတ်ပါက ဆွဒ်ကဟ်ပေးရန် ၀ါဂျိဗ်ထိုက်ပေမည်။

ဆံပင်ကျွတ်ခြင်းနှင့် စပ်လျဉ်းသော မဆ်အလာဟ်များ
အဲဟ်ရာမ် ၀တ်ရုံခြုံပြီးနောက် များစွာသော မဆ်အလဟ်များအနက် ဟာဂျီများအား ဆံပင်ကျွတ်ခြင်းနှင့် စပ်လျဉ်းသော မဆ်အလဟ်သည် များစွာတွေ့ကြုံရပေသည်။ ဤအတွက်ကြောင့် ကျွန်တော့်အနေနှင့် အနည်းငယ်တင်ပြလိုပေသည်။

အလိုအလျောက်ဆံပင်ကျွတ်ခြင်း
အကယ်၍ ဆံပင်မွှေး၊ မုတ်ဆိတ်မွှေး လူခန္ဓာကိုယ်ပေါ်၌ အမွေးအမှင်များသည် အလိုအလျောက် ကျွတ်ပါ က မည်သည့်အစားမှ ပေးရန်မထိုက်ပေ။

ဝုဇူပြုစဉ် အမွေးအမှင်ကျွတ်ခြင်း
အဲဟ်ရာမ်၏ အခြေအနေ၌ ၀ုဇူရေသန့်စေခြင်းနှင့် ရေချိုးရာတွင် အထူးသတိပြုရပေမည်။ ရေချိုးရာတွင် ဆံပင်မုတ်ဆိတ်မွှေးများ ပွတ်မသပ်ရပေ။ အကယ်၍ ရေချိုးနေစဉ် (သို့မဟုတ်) ၀ုဇူ ပြုနေစဉ် ဆံပင်၊ မုတ်ဆိတ်မွေး တစ်ပင်(သို့မဟုတ်)နှစ်ပင်ကျွတ်ပါကမည်သည့်အစားပေးရန်မှ ၀ါ ဂျိဗ်မထိုက်ပေ။ အကယ်၍ သုံးပင်ကျွတ်ပါက ပြောင်းဆန်လက်တစ်ဆုပ် (သို့မဟုတ်) ၄င်း၏ တန် ဖိုးအတွက် ဆွဒ်ကဟ်ပေးရန် ၀ါဂျိဗ်ထိုက်ပေသည်။ အကယ်၍ သုံးပင်စာထက် ကျော်လွန်၍ (သို့ မဟုတ်) ဦးခေါင်းနှင့်မုတ်ဆိတ်မွှေး၏ လေးပုံတစ်ပုံခန့် အမွေးအမှင်ကျွတ်ပါက ပြောင်းဆန်နှစ်ပိ ဿာခွဲ (သို့) ၄င်း၏တန်ဖိုး ဆွဒ်ကဟ်ငွေပေးရန် ၀ါဂျိဗ်တာဝန်ထိုက်ပေသည်။
အကယ်၍ ဦးခေါင်းနှင့် မုတ်ဆိတ်မွှေး၏ လေးပုံတစ်ပုံသို့မဟုတ် အမွှေးအမှင်အားလုံး ကျွတ်ပါက (သို့) ညှပ်ပါက (ဒမ်)ပေးရန် ၀ါဂျိဗ်ထိုက်ပေသည်။

ကုပ်ရင်းနှင့် ဆံပင်ကျွတ်ခြင်း
အဲဟ်ရာမ်ဝတ်ရုံခြုံထားသောသူသည် မိမိဦးခေါင်းအား ကုတ်လျှင် (သို့) တမင်တကာ ဆံပင်နှစ်ပင်၊ သို့မဟုတ် သုံးပင်အား ဆွဲနှုတ်ပါက ကျွတ်သွားသော ဆံပင်၏အစားကျပါတီမုန့်တစ်ချပ် (သို့) ၄င်း၏တန်ဖိုးငွေအား အစားပေးရန် ၀ါဂျိဗ်တာဝန်ထိုက်ပေသည်။ အကယ်၍ သုံးပင်ထက် ကျော်လွန်ပြီး ဦးခေါင်း(သို့)မုတ်ဆိတ်၏လေးပုံခန့် အနည်းငယ်မျှကျွတ်ပါက (သို့) ညှပ်ပါက ပြောင်းဆန်နှစ်ပိဿာခွဲ (သို့) ၄င်း၏တန်ဖိုး ဆွဒ်ကဟ်ငွေပေးရန် ၀ါဂျိဗ်တာဝန်ထိုက်ပေသည်။ အကယ်၍ ဦးခေါင်း၏လေးပုံတစ်ပုံခန့် ကျော်လွန်၍ ဖြတ်ညှပ်ခြင်းများပြုလုပ်ပါက (ဒမ်)ပေးရန် ၀ါဂျိဗ်ထိုက်ပေသည်။

နှုတ်ခမ်းမွှေးနှင့် ပတ်သက်သော မဆ်အလဟ်များ
အဲဟ်ရာမ်ဝတ်ရုံခြုံထားချိန်၌ (တစ်ဦး) တစ်ယောက်သည် မိမိနှုတ်ခမ်းမွှေးအားလုံး (သို့မဟုတ်) အနည်းငယ်အား ရိတ်ခြင်း၊ ညှပ်ခြင်းများပြုလုပ်ပါက ပြောင်းဆန် (၂၁/၂)(ပေးရန် ဆွဒ်ကဟ် ၀ါဂျိဗ်ထိုက်ပေသည်။

ခရီးစဉ်တစ်လျှောက်၌မည်သည့်အရာများ ပြုလုပ်ရမည်နည်း
ဤမွန်မြတ်သော ခရီးတစ်လျှောက်၌ အသင်သည် များစွာသော သလ်ဗီယဟ်ကို ဖတ်ရပေမည်။ ထိုသို့များစွာသော သလ်ဗီယဟ်ဖတ်ခြင်းသည် ကိုယ်တော်၏ ဓလေ့တော်ဖြစ်သည်။ သလ်ဗီယဟ်ဖတ်ချိန်၌ အမျိုးသားများသည် မိမိကြားနာရသလောက် အသံထုတ်ဖတ်ပြီး အမျိုးသ မီးများသည် တီးတိုးစွာဖတ်ရမည်။ အထက်ပါ သလ်ဗီယဟ်ရွတ်ဆိုပြီးနောက် နဗီတမန်တော်မြတ်မုဟမ္မဒ်(SwallahuAlihisalam)၏အပေါ် ဒရူးဒ်မေတ္တာပို့ပြီး သောင်ဝ်ဗဟ် အိစ်သိဂ်ဖာရ်များ ပြုလုပ်ရမည်ဖြစ်သည်။ မိမိ၏အချိန်အား တန်ဖိုးထား၍ ရှောင်ကြဉ်အပ်ပေသည်။ ဥပမာ-တီဗွီ ကြည့်ခြင်း၊ သတင်းများအား စူးစမ်းလေ့လာခြင်း၊ အတင်းပြောခြင်း၊ နားထောင်ခြင်း စသည့်အကျိုးမရှိသော ပြောဆိုမှု လုပ်ရပ်များမှ ရှောင်ကြဉ်ရန် အရေးကြီးပေသည်။ အကယ်၍ လေယာဉ်ပေါ်၌ (ဆွလားသ်) အချိန်ကျရောက်ပါက စီစဉ်မှုမပြုထားပါက မိမိတတ်နိုင်သလောက် ၀တ်ပြုရန် ကြိုးစားရပေမည်။ ထိုသို့ ကြိုးစားရာ၌ အများသူငှာအပေါ် အနှောင့်အယှက်မဖြစ်စေရ။ ကဇွာလည်းမဖြစ်စေရ။ သတိပြုရမည့် အချက်မှာ လေယာဉ်ပေါ်၏ထိုင်ခုံ၌ ထိုင်၍ ကိဗ်လဟ်ဘက်သို့မျက်နှာမမူဘဲ ၀တ်ပြုခြင်းမပိုင်ပေ။ မေ့မှားပြီး ဖတ်မိပါက အချိန်အတွင်း၌ ပြန်ဖတ်ပြီး အချိန် ကျော်လွန်သွားပါက ကသွာပြုရန် ၀ါဂျိဗ် ထိုက်ပေသည်။
မက္ကဟ်ခရီးစဉ်
မက္ကဟ်ရွှေမြို့တော်သို့ရောက်ရှိခြင်း
မက္ကဟ်ရွှေမြို့တော်သို့ ၀င်ရောက်ရန်အချိန်တွင် သလ်ဗီယဟ် ရွတ်ဆို၍ မိမိ၏အပြစ်များကို ခွင့်လွှတ်ရန် ၀န်ချတောင်းပန်ပြီး အလ္လာဟ်အရှင်မြတ်ဘက်သို့ အာရုံပြုလျက် ၀င်ရောက်ရပါ မည်။ ၄င်းနောက် မိမိတည်းခိုမည့်နေရာသို့သွားရောက်ပြီး နားနေလိုပါက နားနိုင်သည်။ ပြီးနောက် အွမ္မရဟ်ပြုလုပ်ရန် ၀ုဇူရေသန့်စင်ပြီး ကအ်ဗဟ်ကျောင်းတော်ဘက်သို့ သလ်ဗီယဟ်ရွတ်ဆိုရင်း ထွက်လာရပေမည်။ အကယ်၍ အမျိုးသမီးများသည် လစဉ်လာနေသော ရာသီသွေးလာနေပါက အခန်းထဲ၌သာ နေခဲ့ပြီး ရာသီသွေးရပ်စဲသွားမှသာ အွမ်ရဟ်ပြုလုပ် ခွင့်ရှိသည်။

အလ္လာဟ်အရှင်မြတ်၏ အိမ်တော်အတွင်းဝင်ရောက်ချိန်
အလ္လာဟ်အရှင်မြတ်၏ အိမ်တော်အတွင်းသို့ ၀င်ရောက်ချိန် အသင်သည် ဘာဘွစ္စလာမ် တံခါးပေါက်မှ ၀င်ရပေမည်။ အဘယ့်ကြောင့်ဆိုသော် နဗီတမန်တော်မြတ် မုဟမ္မဒ် သည် ထိုတံခါး ပေါက်မှဝင်ခဲ့၍ ဖြစ်ပေသည်။ အကယ်၍ မိမိမသိပါက ကြိုက်နှစ်သက်ရာ တံခါးပေါက်မှ ၀င်နိုင်သည်။ ထိုသို့ အလ္လာဟ်အရှင်မြတ်၏ အိမ်တော် အတွင်းသို့ ၀င်ရောက်ချိန်တွင် အောက်ပါ ဒို အာကို စိတ်ရောကိုယ်ပါ ဖတ်၍ ယာခြေဖြင့် ၀င်ရမည်။
c2_Arabic4
၎င်းနောက် ဟရမ်အတွင်း၌ ရှိနေသမျှ အိအ်သိကားဖ် နီယသ်ပြုရည်စူး၍ မည်သူတစ်ဦး တစ်ယောက်ကိုမျှ တိုးဝှေ့ခြင်းမပြုဘဲ ကအ်ဗဟ်ရှိရာသို့ သွားရပေမည်။

ကအ်ဗဟ်ကျောင်းတော်ကြီးအား တွေ့မြင်ရချိန်
ကျောင်းတော်ကြီးကို တွေ့မြင်ရချိန်တွင် ဘေးတစ်ဖက်သို့ကပ်ပြီး ရပ်၍ အလ္လာဟုအက္ကဗရ် သုံးကြိမ်ရွတ်ဖတ် ရပေမည်။ ပြီးနောက် လားအိလားဟ အိလ္လလ္လာဟ် သုံးကြိမ်ရွတ်ဖတ်ရပေ မည်။ ပြီးနောက် နဗီတမန်တော် မုဟမ္မဒ် အား ဒရူးဒ်မေတ္တာပို့သပြီး ၄င်းနေရာ၌ပင် ဒိုအာတောင်း ဆုတော်များအား တောင်းခံရပေမည်။ ဤအချိန်သည် တောင်းဆုဒိုအာများအား အထူးလက်ခံ သောအချိန်ဖြစ်သည်။ ထိုနည်းတူစွာ အောက်ပါဆုမွန်ဒိုအာကိုလည်းကောင်း တောင်းခံရပေမည်။
c2_Arabic5
အို … အလ္လာဟ်အရှင်မြတ်၊ မုချဧကန် ကျွန်တော်မျိုးသည် အရှင်မြတ်၏ ကျေနပ်မှုနှင့် အရှင်မြတ်ချီးမြှင့်သည့် ဂျန္နသ်သုခဘုံအား တောင်းခံပါ၏။ ၄င်းနောက် အရှင်မြတ်၏ အမျက်ဒေါသနှင့် ဂျဟန္နမ် ငရဲမီးဘေးမှ ခိုလှုံခွင့် တောင်းခံပါ၏
ကအ်ဗဟ်ကျောင်းတော်ကြီးအား ပထမဦးစွာ မြင်တွေ့ရချိန်၌ ရပ်၍ လက်နှစ်ဖက်မြှောက် ပြီး ဒိုအာပြုခြင်း မုစ်သဟဗ် ဖြစ်သည်။ နောက်ပိုင်းတွေ့ချိန်များတွင် လက်မြှောက်ရာ မလိုတော့ပါ။

အွမ္မရာဟ်ဆောက်တည်နည်း
ယခု အွမ္မရာဟ်၏ သွဝါးဖ်ပြုလုပ်ရမည်ဖြစ်သည်။ ဟရာမ်အတွင်းသို့ ၀င်ရောက်သောအခါသဟိယသွလ် မတ်စ်ဂျိဒ်’ နဖိလ်နှစ်ရကအသ်ဖတ်ရန်မလိုတော့ပါ။ အကယ်၍ အကြောင်းတစ်စုံတစ်ရာ ကြောင့်သွဝါးဖ်မပြုလိုပါက (သဟိယသွလ်မတ်စ်ဂျိဒ်)ဖတ်နိုင်ပေ သည်။ မက္ကရူးဟ်အချိန် မဖြစ်စေရ။ ၀ူဇူမရှိဘဲ သ၀ါးဖ်ပြုလုပ်က မပိုင်။ သ၀ါးဖ် ပြုလုပ်ရာတွင် အောက်အထပ်၌ဖြစ်စေ၊ အပေါ်အထပ်၌ဖြစ်စေ လုပ်ပိုင်ခွင့်ရှိသည်။ ဟရမ်ဗလီဝတ်ကျောင်း တော်၏ သ၀ါးဖ်သည် ‘သဟိယဟ်’ နမားဇ်ကဲ့သို့ဖြစ်သည်။
အလ်ဟာဂ်ျမော်လာနာ ဟာဖိဇ် မုဖ်သီ မုဟမ္မဒ်အနပ်စ်(မဟ်မူဒီ၊ အခ်သရီ)တာမွေ